Letras: Zueriwest. Zorro.

am morge hockt'r meischtens uf em badwannerand
i sim gschtreifte pijama mit em zahnburschtli ir hand
& ghort wie geng wie ir wohnig obedrann dr wecker geit
& nar geit'r i d'chuchi & chochet sech schnau nones chacheli kafi
& vorusse isch es hau & d'sunne schiint & es froit ne
dass andlech dr summer chunnt
nar geit'r meischtens uf ds tram & nar fragt'r sech immer ob'r ds gas
jitz het abtraait oder ds liecht het la bronne
& am helvetiaplatz schtigt'r us & chouft sech dr blick un es packli marylong
& nar louft'r z'duruuf bim gianni sim ladeli vrbii & bir metzg & bim merkur
& dert schufle sie echli uf ere bouschteu unger de tramschiene drack umenang
& de hockt'r im buro uf sim platz & vis-a-vi hockt en angere maa
mit ere glatze wo scho glii pensioniert wird - sie si duzis
& schaffe beidi scho langer dert
& nar sortiert'r irgendoppis & redt nid viu & am mittag isst'r

meischtens im burgereziel im gartli under de chegeleboim
es menu allei am ne tisch
& nar mues'r wieder los & nar hockt'r wieder da & irgendwenn am namitag
lutet meischtens sini mueter a & fragt ne wie's ihm geit
& verzeut & verzeut & ar sortiert irgendoppis drzue
& oppis nach de fufe schteit'r wieder im tram
& nach de nuune schteit'r meischtens im ne parkli umenang mit sim ragemantu
& mit sim dage i dr hand
am morge hockt'r meischtens uf em badwannerand
i sim gschtreifte pijama mit em zahnburschtli ir hand
& d'sunne schiint & es froit ne dass andlech dr summer chunnt