Letras: Surghjenti. Orma. Und'è Vo' Seti.

Ind'e vo' seti, u spiritu murmura
Socu a sicura d'un senta vi mai piu
Mezu a tantu rimorsu chi un ingratu ni scura
Iddu vi faci scorta, in issu locu di fuscura
Pa vincia issa fuscura

Una lumera lacrimendu i so peni
Accumpagna l'angosci piu che l'idei in fulena
Issu prisenti di lumu chi dulci si tratteni
Mantinissi 'llu puru, u piu degnu l'avvena
U piu degnu l'avvena

Ripiddu :
A paci in issu locu he carca di gioii tinti
Carca di glorii vinti, di tanti spiranzi spinti
A paci in issu locu un ha banderi armati
Da boci a u silenziu, di rispettu ne he urnata.


Ind'e vo' seti, ni so pari i prifirenzi
Ma ranficani l'albi di i stupiti cuscenzi
In l'animi materni, induva l'infernu ha guadantu
U turmentu si movi, tali un mari d'arruganza
Tali un celi chi mai stancia.

Ripiddu :
E a paci ind'e vo' seti, pichja a u fiori di i ghjusti menti
Pa fa canta l'amori, mezu a un dilivu di pienti
A paci ind'e vo' seti, ni ricusa l'abbastanza
Soca circa riposu, in i pianuri 'lla mancanza


Si a paci ind'e vo' seti, he sola a pude ritena
Prigu 'lla mantinissi u piu degnu di l'avvena
Si a paci ind'e vo' seti, he sola a pude ritena
Prigu 'lla fessi a chjama pa salva, l'urfaniu avvena.