Letras: N.C.C.P. (Nuova Compagnia Di Canto Popolare). NCCP. Vintitré Li Fronne.

Vintire li ffronne de verdespina,
de verdespina,
nce nascette ninno chessa matina
chessa matina.
Ma 'na stella lucente
disse tienelo a mente,
a 'stu munno nun guardare
ca li ffronne fa seccare,
si l'ammore vuo' truvare
spine amare haje da chiantare.
Vintitre li rrose ca io chiantaie,
ca io chiantaie,
cu lu chianto mio po l'addacquaie,
po l'addacquaie.
Ma lu munno mercante,
ca d'amore e vacante,
tre carline ne vo dare
e li rrose vo cumprare,
'ntra li ddete vo sfrunnare,
po' li vuole scarpesare.
Vintitre streppune fanno lamiento,
fanno lamiento,
nce passaie la notte sott'a lu viento.
'Na chiantuta de stelle,
'na cajola d'aucielle,
ca 'stu munno e tristo assaje
te 'ncatena sempre craje,
quanno primma te guardaje,
e d'ammore te parlaje.
Vintitre catene de tiempo amaro,
de tiempo amaro,
me 'mbarcaje 'nu juorno pe' marenare,
pe' piscare 'n'aniello,
ca perdette 'n'auciello.
Chill' auciello sfurtunato,
ca 'ngajola era 'ncappato,
e a lo mare scunfinato
chill'aniello aveva jettato.
Vintitre li rezze fatt' a canciello,
cu' lu mare attuorno c'e 'nu castiello,
nce passaje sanacore,
nenna mia primm'ammore.
E me disse: nun lu saie
chill'auciello io truvaje,
si lu core me darraje,
vintitre oje vintitre vase avarraje.
Vintire li ffronne de verdespina
de verdespina,
nce nascette ninno chessa matina,
chessa matina.