Letras: Enzo Avitabile. Faccia Gialla.

Miezo all'addore da solfatara
'ngopp 'a na preta sotto a na spada
duorme Pozzuoli suonni arrubbati
da coppo 'a muntagna fino 'o mare

e sango e nun e acqua
e sango e nun e acqua

sotto a n'editto 'e n'imperatore
catacombe e persecuzioni
Tu nobile vescovo 'e Benevento
nu filo d'evera contro 'o viento

e sango e nun e acqua
e sango e nun e acqua

Faccia Gialla squaglialo!
fallo fallo stu miracolo
Faccia Gialla squaglialo!
fallo fallo pe stu popolo
chella vota c'a vedetteme nera
sissantamila muorte 'd culera
bello e buono 'e turchi na sera
po nata vota fuie famma e a sete

e sango e nun e acqua
e sango e nun e acqua

Faccia Gialla squaglialo!
fallo fallo stu miracolo
Faccia Gialla squaglialo!
fallo fallo pe stu popolo

e sango e nun e acqua
e sango e nun e acqua

(Grazie a Gerarda per questo testo)